從《梨泰院Class》看到職涯規劃的5個重點 (內有劇透，慎入)

大家係咪已經睇咗《梨泰院Class》大結局喇? 小編真係比劇集搞到好感動啊 !

小編睇完之後發現煲劇都可以有所頓悟啊。以下等我回顧下故事大綱並引用入邊嘅情節嚟分享職涯規劃嘅5個重點啦。

故事大綱:

《梨泰院class》劇情是說朴全新的父親在一場意外離世，而犯案的人找了替死鬼沒受法律制裁，朴全新上門報仇反被陷害成為階下囚，入獄後的他沒放棄自己，不向惡勢力低頭，計劃在梨泰園開設「甜粟」小酒館，計劃向害死他爸爸的人復仇，朴全新在餐飲界中遇上重重難關，但一班好朋友跟他齊上齊落，誓要反擊。

1. 制定一個七年後的職涯規劃

現實生活中，你未必需要報仇，但係你絕對需要為自己計劃將來。當男主角入獄後，佢一直學習對手的長處，並為自己制定七年後的復仇計劃。你又會唔會為自己制定一個七年後的職涯規劃呢?

2.好同事係你職涯上一世的夥伴

人做嘢點會唔攰呀。但係喺你攰嘅時候有人幫你扶一扶，有人推你一把嘅時候，你就需要你嘅好同事好朋友幫手。就係因為大家有同一個意向，先至會喺同一個職場度出現。所以請你善待你同事，結識多啲有正能量嘅好朋友。一齊向目標進發 ~!

3.有信念地生活

某某電影都講過，"人如果冇夢想, 同條鹹魚有乜分別 ?"。你呢 ? 有冇自己嘅信念 ? 有冇堅持自己嘅信念噉樣去生活啊 ? 請你為自己喜愛嘅事找尋相關的工作。咁樣你先會無悔生活。如果你喜愛嘅事唔能夠成為工作。請你選擇一份你做得好的工作，先解決自身財務問題。當你財務自由後，你絕對有權利追尋自己嘅信念。男主角都用咗七年時間行船，儲錢儲資歷，同埋做咗七年嘅財務投資先至開到自己想開嘅店舖。你都可以嘅。

4.找一個你認可的工作偶像

雖然男主角唔甘心，但係佢都不斷去學習佢嘅敵人張大熙嘅生意之道。雖然張根秀對自己前途冇咩焦點，但當佢碰到男主角時，佢就透過男主角認清自己價值仲刺激咗佢追求自己職涯人生。崔勝權一直都尋找唔到自己嘅價值，亦都係透過男主角，佢重新認定自己價值，唔再否定人生。以上嘅例子都證明比你聽，你需要一個目標。一個你信服，而你會以佢嘅成功為目標嘅人。當你揾到呢個人，請你瞭解佢點解會成功並學習佢嘅步伐。我唔敢講你噉樣一定成功，畢竟每個人嘅步伐都唔一樣。但係你得到嘅結果一定係正面嘅。

5. 相信自己

"天生我材必有用。" 嘩~ 呢句說話有咁老土, 得咁老土。

但係唔好意思，又真係真嘅。如果你連自己都唔相信自己嘅話，你叫人地點相信你，點請你呢? 男主角都去過出邊闖過，行過船，去瞭解世界有幾大，仲整到成身傷曬啦。所以無論幾時都好，一定要增加自己嘅自信心。嘗試做多啲唔同嘅嘢，令到自己肯定自己。無論係面試又好，對住朋友都好，你都可以大聲同你講，我試過呢樣，我做到呢樣，我去過邊度，體驗嗰啲乜嘢~! 一個無經歷嘅人，就會變得冇自信。如果你仲係諗住用你嘅暑假，打下機，同朋友唱下K。 Sorry囉, 呢啲真係唔係乜嘢經歷。去遠啲行下, 睇多啲野見多啲嘢啦唔該。

喺劇入邊曾經出現過嘅一首詩，呢首詩係出自漫畫作家"趙光真”~

小編覺得呢首詩真係充滿正能量。喺呢度再送多次俾大家。記住大家要做一粒石頭啊。

#我是一顆石頭

「我是一顆石頭，盡情地燒灼我吧，我是一顆傲然屹立的石頭，猛烈地鞭打我吧，我是一顆堅固的石頭，將我囚禁在黑暗中吧，我是一顆獨自閃耀的石頭，我不會四分五裂、更不會化為灰燼，甚至拒絕所有自然法則。

我活下來了，我是…我是…鑽石。」

究竟你系石頭定係一粒鑽石? 就要靠你自己好好琢磨喇。

如果有興趣，去外地見下世面嘅話可以 Click 入下邊嘅連結。瞭解下我哋嘅暑期實習計劃一次過去體驗文化，認識新朋友，增加實習工作經驗。加油~

#青年暑期實習計劃 : https://www.hkmmda.org/2020

報名連結: https://forms.gle/fgSaxZHckWFuz38U8 *各實習地點名額有限, 額滿即止。

-------------------------------------------------------------------------------------------------------------

過往文章:

#Fresh Grad及讀緊書嘅你想返內地發展的4大 Tips 及思謎