• HKMMDA 香港多媒體設計協會

13種讓自媒體生存法則



隨住網絡嘅不斷發展, 年青人當然有自己嘅自媒體(電子履歷)去話畀人哋聽你叻啲乜嘢或者關注啲乜嘢啦。 自媒體並唔係你嘅演講台咁簡單, 佢仲係你記錄喺電子世界嘅履歷(CV)。 你每日喺社交媒體嘅言行舉止, 不但只係你嘅社交,亦都係話畀人聽, 你嘅喜好行為同埋思考模式。如果透過計畫建立得好嘅話,自媒體更加係可以盈利搵錢或者喺電子履歷上邊建立正面形象。

小編就喺下邊介紹 13 種讓自媒體生存之法啦~

1. 自媒體渠道


網絡世界嘅特色就係能夠傳遞得快,同埋講。用自媒體嚟做宣傳渠道嘅話,自然係文字功底好嘅人啦。而家自媒體渠道方,都會去吸引人嚟做blogger, 然後同呢啲網絡寫手喺廣告度分紅。如果你嘅內容係有趣, 甚至乎係喺某一個專業嘅範疇個話, 寫字都能夠搵好多錢架。

2. 廣告收入


話明係自媒體一定係將自己嘅言論當做一個媒體渲染啦。 大部份嘅寫手都係靠廣告搵錢, 而大部份嘅廣告呢都係靠信任所得嘅。 至於廣告亦都有分硬同軟。硬推~即係你一味講點樣好,完全唔理人感受嗰隻。軟文~ 就係由好軟性嘅角度去分析,綜合,甚至乎係不經意之間已經sell咗你,你都唔知道嘅文章喇。 咁當然係人都鍾意受軟唔受硬嘅啦。軟文嘅活躍度同重視量相對亦都會高好多。

3. 公關宣傳


公關宣傳首要亦都係用軟文。其實亦都有唔少自媒體係寫專訪嘅方式定期出稿。噉樣嘅效果其實更加好,因為除咗自媒體嘅廣告費都有機會收到賺稿費。

4. 品牌植入


品牌的內容植入當然亦都係廣告嘅1種啦,但係好話唔好聽,你唔係啲自媒體網紅嘅話,大品牌應該都唔會搵你。所以係好蝦人做架。當然話到明叫植入式吖嘛,太明顯嘅硬性推廣就變得好肉酸嘅喇。所以冇返咁上下功力係做唔好嘅。

5. 電商渠道

自媒體人往往唔係淨係識得寫字嘅。但係佢哋通常都係一啲喺專業領域入邊嘅知識份子。對一啲產品或者事物比較有獨到嘅見解。所以由佢話畀你聽乜嘢為之好,好多人都會相信。甚至乎佢嘅說話係可以影響你,買唔買佢講嘅產品。

6. 售賣自家產品


除咗幫人哋賣嘢,其實都可以推介自己嘅產品嘅。所以首先要建立好自己嘅自媒體,令到更多人關注,噉樣先至可以賣嘢。

7. 演講 / 訓練


自媒體人一般都係先從寫好文章開始。 當佢啲文寫到有返咁上下,開始就會拍下片做下開講。跟住可能就會走去演講或者做trainer。 當然啦,如果你嘅講題係社會關注到極高嘅,譬如金融,創業啊。幾千到幾萬嘅演講或培訓費都可能會有。一個月如果有幾次嘅話收入都唔錯嘅。 當然啦,你肚入邊要夠文章先得喎。

8. 會員制度


其實做會員制度係一件好難度高嘅事。會員人數多嘅,話都仲可以請人返嚟,幫手管理。但係如果會員人數少,你就要自己一手包辦,真係攰死你。 同埋你都要又分咁上下專業嘅內容。人哋先會肯畀錢做會員囉。呢個世界咁多免費文章點解要畀錢你先?

9. 新聞專欄


你喺各地報章平臺做專欄寫手, 就梗係會多勞多得啦。 作為噉嘅人才除咗寫得下嘢,個人本身都好有新聞價值,或者佢嘅寫作內容好有行業嘅前瞻性。 如果希望達到呢個位置個話,噉你寫嘅自媒體內容就一定要專注喺某一個領域入邊。而呢個領域係各大報紙報攤嘅專欄都會有嘅內容。快啲買份報紙睇下啦。

10. 出書


當你喺自媒體寫作上堅持到一段時間嘅話,  你應該都已經培養出超強嘅寫作能力。如果你覺得寫嚟寫去都係冇乜肉食,或者覺得唔夠型嘅話, 可能可以挑戰自己出書。無論係實體書或者電子書都好, 都有好多出版嘅方法。當然啦, 你啲實體書賣得喐嘅話,搞簽名會嘅時候你一定更加飄飄然。嗰種嘅滿足感亦都係好強嘅。

11. 被收購或挖角


一旦你嘅自媒體擁有品牌價值後,可能就會有人想注資或收購你嘅自媒體。無論佢係叫你繼續寫又好或者換走你都好。呢個都係常態嚟嘅。甚至乎有企業覺得你係人才,挖角搵你過去做佢主編都係好正常嘅事。

12. 賣blog


當你苦心經營原理嘅自媒體同時又達到某一個閱讀量嘅時候。賣blog, 可能都係其中一個最快嘅方法搵錢。  當然啦, 個仔湊得咁辛苦,10月懷胎就賣咗佢。我諗一定有個原因嘅。所以如果唔係好等錢使, 或者唔系對寫緊嘅範圍已經厭倦嘅話, 你係未必捨得賣。

13. 線下活動


呢個亦都係而家好多自媒體人經常用嘅方法。線上嘅宣傳再加線下嘅活動。無論係讀者嘅黏度,投入度,信賴度等,都會可以喺短時間內提高。比如話,你寫開樓盤嘅嘢就組織一啲睇樓團。 噉樣除咗可以叫商店比介紹費你,仲可以提供專業嘅導賞比參加活動人士並且收取費用。

其實坊間仲有好多唔同嘅方法, 我哋就唔喺呢度詳細講太多喇。

不過講到尾,雖然支筆喺自己度,但係寫嘢都係應該要有分寸,有道德。

最好只係做引薦,並唔係硬推銷。 幫助到人哋成功之時,自己先至可以搵到錢。文筆亦都要積德。正所謂,過到人,過到自己。

最後一句。無論自媒體有冇利潤都好,對於你嚟講佢就係一面鏡子。 係人定係妖就睇你寫乜喇。


香港多媒體設計協會透過香港政府撥款下資助18-30歲的香港青年參加內地實習體驗計劃。本會更加提供實習前培訓及文化交流, 交通旅遊, 企業參訪及膳食等費用, 為青年人提供增闊眼界的機會。名額有限, 快啲Click入去以下嘅 Link 啦~

瞭解下詳情報名啦: https://forms.gle/Hud9bbyKgb6Vt3WW9


#Internship #summer #實習交流 #multimedia #summerjob #interview #intern #multimediajobs #workexperience #design #實習 #青年實習 #北京市 #廣西壯族自治區 #南寧市 #東莞市 #貴州 #遵義市 #上海市 #上海實習 #遵義實習 #北京實習 #暑假實習 #實習交流 #design #graphicdesign #visualdesign #art #chinainternship #chinainternships #hkinternship #入職不是夢

此文章由原作者及HKMMDA撰寫/編輯。如欲刊登於其他網站或刊物,請電郵至info@hkmmda.org與我們聯絡。如有發現侵犯版權,原作者及HKMMDA保留採取法律行動的權利。


217 views

查詢熱線 (852) 3543 0700

© 2015 - 2020 by Hong Kong Multimedia Design Association Limited