當你小朋友好多嘢冇得控制嘅時候，你會根據父母嘅安排。入要入嘅小學，入要入嘅中學，然後順理成章讀大學。嚴格嚟講，你最多會揀讀邊一間大學，而唔會選擇入定唔入大學。但無論係點樣都好，當你大學畢業之後，就係你真正第一個機會。
你可以選擇究竟你想做啲乜嘢工作! 當然你可以選擇乜都唔做，開始享受人生喇。 但係如果你同一般"呢民"嘅諗法係一樣既話，大家都會係要搵錢，交家用，還卡數，還學費，追女仔。噉搵一份適合自己嘅工作就好緊要喇。 不論係工作經驗, 人工, 定係人際網絡都好。都係你第一份工好緊要嘅資產。最緊要係學到嘢, 開到眼界, 咁樣先知將來點行。
第二個人生機會就係當你儲到一定嘅知識，人脈，金錢同眼界之後。 係時候諗下會唔會創業喇。創業所面對嘅係天時，地利，人和同埋少少push。 如果呢個時候冇呢個衝動的話，你有機會打死一世工。但係都唔緊要因為人生仲有第三個機會。
如果你已經結咗婚，生咗仔。呢個就係你第三個機會喇。因為如果你唔做任何改變你噉樣就會一世喇。當然打工都唔一定打死一世。但你應該都唔會再有勇氣轉換環境，除非你已經去到好成功嘅打工皇帝。如果唔係嘅話你應該諗唔到乜原因唔攬住你嘅高薪厚職，每個月都祈求老細唔會喐你，唔會裁員。
噉其實人生為乜哩? 為咗持續可以搵錢，交家用，還卡數，還學費，追女仔? 持續噉樣做40年?50年?
年輕人，你哋真係太年輕喇。
數據同事實都話畀我哋聽，你年輕時候唔take chance, 你呢一世都唔會敢take chance。
所以講到尾，大家要儘早打破大家嘅舒適圈。儘快去試一啲自己未試過野或者系會帶來衝擊嘅事。(當然唔係傷害自己嘅嘢啦) 噉樣你將來就會可以把握到後邊嗰三個機會喇~!
文章由40歲的編輯所寫，深有同感。😭
#work #man #summer #實習交流 #multimedia #summerjob #interview #intern #multimediajobs #workexperience #design #實習 #青年實習 #北京市 #廣西壯族自治區 #南寧市 #東莞市 #貴州 #遵義市 #上海市 #上海實習 #遵義實習 #北京實習 #暑假實習 #實習交流 #hkmmda #40歲的編輯
此文章由原作者及HKMMDA撰寫／編輯。如欲刊登於其他網站或刊物，請電郵至info@hkmmda.org與我們聯絡。如有發現侵犯版權，原作者及HKMMDA保留採取法律行動的權利。