• HKMMDA 香港多媒體設計協會

Fresh Grad 及讀緊書嘅你想返內地發展的4大 Tips 及思謎

Updated: Mar 18



讀緊書嘅同學今年真係特別徬徨。香港今年經濟步入低迷嘅情況下,想搵第一份工唔係咁容易。讀緊書嘅又唔知自己讀嗰課啱唔啱市場。見工時, 講嚟講去冇啲實戰, 個心真係好唔定。眼見呢幾年中國內地發展蓬勃, 又有少少心喐喐想去異地發展下。但內地城市咁多個, 去邊個城市發展適合我呢?


等我先比啲Tips你, 幫你打個底先!


Tips 1 評估能力及篩選適合發展的城市

到內地工作絕對唔算高難度, 基礎係你需要用普通話溝通。有人話過, “香港人啲普通話幾普通都好, 內地人都會聽得明。” 所以最緊要係你夠膽講, 佢就會聽(估)到。冇錯! 北方和南方嘅普通話發音都唔同嘅, 呢個真係要考你聽力聽得多就明(估到)。但係又唔使太擔心, 而家經常都會用電話通訊軟件: 微信, QQ 進行線上溝通。分分鐘喺公司返工到放工都見唔到老細, 但全日都係軟件上開會。無論係語音輸入或者筆劃輸入, 你都絕對唔會變咗啞巴。


Tips 2 了解飲食和生活習慣

國內各大小城市都有唔同嘅飲食文化。有啲氣候乾啲嘅, 打邊爐嘅餐廳就特別多。有啲氣候濕啲嘅就鍾意食啲辣嘢去除濕氣。唔同地方菜系都有唔同嘅特色。不過在內地大型商場內的餐廳好多都連鎖式, 梗會有一間啱你心水。加上而家內地外賣風氣盛行, 普遍落單半個鐘內都送到你屋企, 仲要幾夜都有人送, 適合晚上需要宵夜嘅你。


Tips 3 城市地域嘅大小

內地一二線城市普遍都有地鐵, 出咗地鐵又好多時有共享單車或共享電單車, 基本上都好方便。除咗落雨天要 Call 滴滴打車或的士之外, 平時預多少少時間出門便可。北京嘅地域就遠啲, 地鐵與地鐵之間嘅距離可能要行路15-20分鐘, 但係上海就8-13分鐘左右, 感覺比較似香港。


Tips 4 了解發展機會

話名有一線及二線城市(比如北京, 上海), 咁梗係有三, 四線城市啦。


咁大灣區屬於幾多線呀? 答案係一,二,三線都有! 香港, 澳門, 深圳, 廣州更係大家熟悉嘅一線城市, 咁二線又係邊啲呢? 東莞, 惠州, 中山, 珠海及 佛山, 呢幾個城市發展得比較迅速因為生產及製造業帶動下, 產品設計, 包裝設計, 文創授權 等已經變成係扶持嘅項目~! 咁你一定答我, 江門, 肇慶係三線! 咁又啱唔曬~!因為呢幾年呢兩個城市嘅 GDP 都增加咗好多, 發展仲越嚟越好。呢幾個地方真心適合啲唔想太遠離香港的朋友, 基本上坐火車1-2個鐘頭一定可以返港。


入少少嘅廣西就算三線城市! 再入少少嘅貴州就算四線城市! 咁點解要講埋呢兩個城市呢? 其實廣西嘅南寧市係係東盟國家嘅起步點, 條邊界係連住北越南嘅(真正行路都去到越南)! 南寧市更加有日本, 泰國, 越南, 柬埔寨, 緬甸嘅專區及領事館。真正係方便通商東盟, 所以嚟緊發展潛力雄厚。貴州雖然係四線城市之名,


但一個遵義市已經有七百幾萬人住啦, 而地積比例係香港嘅四倍。貴州仲要係古時皇帝嘅避暑天堂, 非常適合樂齡市場發展。再加上內地有大量新城新區發展, 人才需求非常龐大。

對于讀緊大專/大學嘅你除咗讀書進修之外,不如考慮下參加暑假實習計劃, 用一個月時間係內地城市返工和生活, 同時亦都可以了解下當地文化及增加個人閱曆。真係唔鍾意嘅都叫做了解過市場, 返到嚟搵工面試都有故事講下嘛~


畢竟自己人生嘅CV係需要自己爭取嘅。你下定決心去挑戰內地實習機會了嗎?其實實習工作最需要勇於嘗試,面對新環境的各種挑戰和不適應,可能萌生放棄念頭。但堅持下去, 呢段經歷將會係你人生嘅寶貴經驗。


實習日期如下;

上海  6月17日   - 7月17日(31日)

北京  6月24日 - 7月24日 (31日)

廣西  7月8日 - 8月7日 (31日)

東莞  7月15日 - 8月14日 (31日)

貴州遵義  7月29日 - 8月28日 (31日)


名額有限, 快啲報名喇: https://forms.gle/Hud9bbyKgb6Vt3WW9


#hkygf  #Internship #summer #實習交流 #multimedia #summerjob #interview

#intern  #multimediajobs #workexperience #design #實習 #青年實習 #北京市 #廣西壯族自治區 #南寧市 #東莞市 #貴州 #遵義市 #上海市 #上海實習 #遵義實習 #北京實習 #暑假實習 #實習交流 #design #graphicdesign #visualdesign #art


此文章由原作者及HKMMDA撰寫/編輯。如欲刊登於其他網站或刊物,請電郵至info@hkmmda.org與我們聯絡。如有發現侵犯版權,原作者及HKMMDA保留採取法律行動的權利。

0 views

查詢熱線 (852) 3543 0700

© 2015 - 2020 by Hong Kong Multimedia Design Association Limited