改變係需要理句-你問友人答

"改變"係人都驚㗎啦~   但係"不變", 係咪可以應萬變先?

"改變", 係需要理句嘅!  你問, 友人答!


其實係人都有後悔嘅時候。祇不過係早D, 定係遲D。 任何一個出到嚟做嘢嘅打工仔。衝咗一輪就會發現,讀書嘅時候係最美好,以前嘅選擇全部都係錯嘅。


後悔冇讀到某一課,成為某一個專業。

後悔冇追過有個師妹,同個師姐表白。 後悔冇周圍去讀萬卷書,但日日屋企鋤本書。


以上所有嘅後悔,都係因為驚改變!


點解嗰陣時唔改變呢?!而家你梗係識得噉問啊。

因為你已經累積到唔少人生嘅經驗。你發覺睇嘢唔可以咁表面。所有嘢冇試過唔代表一定做唔到。然後你會發現讀嗰科唔一定真係做嗰行。喺邊度讀書唔代表一定喺邊度返工。 以為高尚嘅職業,結果每日要笑面迎人。土生土長但係發現本土野就係唔值錢。


"其實你想要乜 ? "


作為職場新鮮人或甚至做咗十幾年嘢嘅人,每日都會問自己"我想要啲乜?"。

其實有幾多個有答案?! 或者噉講,係咪所有答案都一模一樣。


可以承擔屋企,照顧身邊嘅人,生活得舒服。完!


如果個個都想做自己。個個都堅持一D自己好驚改變嘅嘢。 噉你永遠都搵唔到真正嘅答案。 因為你唔會擁抱改變,自然欠缺改變所給你的機會。