職場新鮮人必存 請調整你的四個心態


小編在畢業時剛投入社會, 就不斷問自己點解上班和上學咁唔一樣。 明明我喺學校毫無壓力, 每份功課都交足, 成績都算唔錯。但當投入社會工作嘅時候, 返工嗰種生不如死反差咁大呢。

但當發現唔到退休嗰日都唔會離開職場嘅時候,我就知道一定係有啲嘢唔對路。 經前輩指點, 發現原來有四大心態係好影響我由學校去到職場。 扭轉這四種心態之後, 小編每日都瀟瀟灑灑的上班。(但係仲係熱切地期待下班。)


👇以下 4 點,就是新鮮人必備的調整心態,小編絕對係過來人啊。


1. 你是來工作不是來學習的!


▶讀書時期,你去學校學嘢係應份嘅。但當你喺職場工作時老細唔係一定要教你。如果你請個夥計返嚟,你都希望佢可以幫你解決事情。而唔係你教佢點樣解決事情。


但係有啲嘢真係唔識噉點算呀? 噉你就自己要諗掂佢,唔識自己學到識。






2. 老闆不是要你努力,是要成果!

▶「努力」並唔係一種產品,係一種副產品。即係話冇人會為咗佢而埋單。「成果」先至係上司需要見到的產品。


有啲嘢唔係努力就一定有成果。所以今次做得唔好,下次一定要做得更好,你仲一定要俾上司察覺你嘅進步。






3. 不能再倚靠神隊友,要自己成長!


▶讀書嘅時候分組工作即係代表最有能力嘅做埋。唔少組長都做咗神隊友。 到你係職場嘅時候就唔可以依賴隊友喇,一定要自己完成上司俾你嘅任務。


完成咗自己嘅嘢仲要睇下點樣支援其他人。 畢竟任務完成唔到一定影響出糧。




4. 切勿在工作時情緒失控。失戀並唔係大曬。 正所謂工作時工作,遊戲時遊戲,失戀時失戀。 千祈唔好將自己嘅負面情緒帶到去工作環境。噉樣絕對會影響上司對你嘅評價同埋工作能力。 請記住,喺商業社會入邊冇人去一定要照顧你嘅感受。上司唯一在乎的是「你有沒有能力完成?」




以上所有野都基於一個條件下先至能夠調整。 就係你要搵到工作能夠入職。 至於點樣入職就好依賴你嘅主動性。

過往文章: #Fresh Grad及讀緊書嘅你想返內地發展的4大 Tips 及思謎

#實習技巧篇-沒有經驗如何找實習呢

#10個參加實習的主要好處